The Church of Our Fathers, as Seen in St. Osmund's Rite for the Cathedral of Salisbury (3, No. 1)

. 1853: ... DE OFFICIIS ECCLESIASTICIS TRACTATUS. Personas, et earum officia, dignitates, et consuetudines, quibus ecclesia Sarisburiensis ordinatur et regitur juxta institutionem felicis memorie Osmundi ejusdem fundatoris episcopi, presens tractatus explanat. I. DE PERSONIS IN ECCLESIA SAR. CONSTITUTIS. Quatuor igitur sunt persone princlpales; Decanus, Cantor, Cancellarius, Thesaurarius; et quatuor Archidiaconi; viz. archidiaconus Dorsete, Berkesire, et duo Wiltesire; preterea subdecanus, et succentor. II. Decani officium est quod omnibus Canonicis et Vicariis cum animarum regimine et morum correctione preemineat, quod debeat causas omnes ad capitulum spectantes audire, et judicio capituli terminare--excessus clericorum corrigere et delinquentium personas juxta delicti quantitatem et personarum qualitatem digna animadversione punire. Preterea Canonici ab Episcopo institutionem, a Decano vero possessionem de prebendis accipiunt, cum consensu capituli. Decani est etiam canonicis jam institutis communam eccle B sie suo jure conferre et eis stallum in choro et locum in capitulo assignare. Vicarias vacantes ad presentationes Canonicorum presentium, vel justa et probabili causa, vel de licentia Decani et Capituli ob quamcunque causam absentium, de clericis idoneis ordinare. Verum si ultra mare absente Canonico, quacumque de causa, vicaria aliqua vacaverit, Decanus eam sua propria auctoritate citra assensum ipsius Canonici, cui voluerit clerico idoneo potest conferre. Preterea nullus clericus de superiori gradu vel de secunda forma in choro admittitur nisi auctoritate Decani. Preterea omni duplici festo, absente episcopo, et in prima dominica Adventus, et in dominica Palmarum, et in capite Jejunii, et in tribus diebus ante Pascha, et in vigilia Pentecostes, et in anniversariis Episcoporum et Decanorum ecclesie, divinum tenetur exequi officium. in. Cantoris officium est chorum in canticum elevatione et depresione regere vel per se vel per succentorem suum, et in omni...